അവനായിരുന്നു ഈ ഹൃത്തടം മുറിവേല്പ്പിച്ചത്
അവനെയായിരുന്നു ഞാന് മോഹിച്ചതും
സുഗന്ധമുള്ള പൂക്കള്ക്കിടയില് നിന്നും
ഞാനവനെ മാത്രം നുള്ളിയെടുക്കാന് അവനൊരു പൂവായിരുന്നോ
അതോ ........
എന്റെ ഹൃത്തില് പൂക്കളെക്കാളേറെ പരിമളം അവനായത് കൊണ്ടോ ...
ഞാന് ആ മനസ്സ് വിലക്കെടുത്തു
എന്നെ അവനായി സമര്പ്പിക്കാന് കൊതിച്ചു
നിമിഷങ്ങള് കൊണ്ട് ബാഹ്യ ശരീര കവചങ്ങളെ മറികടന്നു എന്റെ മനസ്സ് അവന്നരികിലെത്തുന്നു
പ്രണയം അതൊരു സുഖമാണ്
അനുഭൂതിയുടെ നെറുകയില് നിന്നും ശാന്തമായി താഴോട്ട് പതിക്കുന്ന പനിനീരരുവി പോലെ ....
ദുഖങ്ങള്ക്ക് ഔഷധമാണ്.
വയ്യാ എനിക്കതിനെ വര്ണിക്കാന് ആവില്ലാ
ഞാനിപ്പോള് എന്റെ ഹൃദയം പറിച്ചെടുത്ത് അവന്റെ ചുണ്ടുകളിലേക്ക് നല്കാം
അവനതില് അവനാകുന്ന അമൃത് പകര്ന്നു തിരികെ നല്കിയാലും ..
ഞാനിതാ കണ്കള് നട്ട് അവനായ് കാത്തിരിക്കുന്നു.
എന്റെ ശ്വാസം നിലക്കും മുന്പ് എന്നരികിലെത്തുമെന്നു നിനച്ച്
ശരീരം വിയര്ക്കുന്നു ചുടു കണങ്ങളോഴുകുന്നു അവന് എന്നെ പുണരുന്നുവോ അതോ.....
അടര്ന്നു വീഴുന്ന കരിയിലകള് പോലെ ഞാന് നിലം പതിക്കുമോ ...
പറയാം എന്നോട് ഒരു കൂട്ടുകാരിയൊടെന്നപോലെ....